سياسة الخصوصية
خصوصيتك تهمنا قبل ما تهمّك وعشان كذا حريصين إننا نحافظ على بياناتك بكل أمان وهدفنا إنك تحجز وتستخدم موقعنا براحة بال وأنت متأكد إن معلوماتك في أيدٍ أمينة، لذلك راح نشرح لك كيف نتعامل في Luxury مع بياناتك وليش نحتاجها وكيف نحميها.
وش البيانات اللي نجمعها؟
لما تحجز شقة أو تستخدم موقعنا نحتاج منك بعض المعلومات عشان نقدم لك أفضل خدمة .. مثل:
- معلوماتك الأساسية: اسمك / رقم جوالك / وبريدك الإلكتروني.
- تفاصيل الدفع: مثل بطاقة الائتمان أو طرق الدفع الثانية ..
لكن لا تشيل هم الدفع يتم عبر منصات آمنة وما نخزن بيانات بطاقتك.
- معلومات الحجز: الشقة اللي اخترتها ومدة إقامتك والموقع اللي تفضّله.الإلكتروني.
- بيانات الجهاز: مثل نوع الجوال أو المتصفح اللي تستخدمه وهذا بس عشان نحسّن تجربتك على موقعنا.
كيف نستخدم بياناتك؟
هدفنا الأول هو خدمتك بأفضل شكل ممكن بدون أي تلاعب أو مشاركة بياناتك مع أي جهة غير ضرورية لذلك نستخدم معلوماتك في:
- تأكيد حجوزاتك وإرسال تفاصيلها لك.
- تحسين خدماتنا بناءً على احتياجاتك وتفضيلاتك.
- إرسال إشعارات لك عن حجوزاتك وعروضنا الخاصة (إذا كنت موافق).
- حماية حسابك وضمان أمان معلوماتك.
هل نشارك بياناتك مع أي طرف ثاني؟
باختصار؟ لا!
لأ تقلق احنا ما نبيع بياناتك ولا نعطيها لأي شخص مو ضروري لكن أحيانًا نحتاج نشارك بعض المعلومات مع جهات تساعدنا مثل:
- بوابات الدفع الإلكترونية .. عشان تتم عمليات الدفع بأمان وسلاسة.
- شركات الصيانة أو الخدمات .. إذا احتجت أي خدمة خلال إقامتك مثل تنظيف أو صيانة الشقة.
وحتى مع هالجهات إحنا نضمن إن معلوماتك تُستخدم فقط لتقديم الخدمة لك ولا تُستغل بأي شكل ثاني.
كيف نحمي بياناتك؟
نستخدم أحدث تقنيات الأمان والتشفير لحماية بياناتك ونتأكد إنها ما توصل لأي شخص غير مخوّل .. يعني معلوماتك في أيدٍ أمينة.
وإنت لك حقوقك، مثل:
- تقدر تعرف وش البيانات اللي نخزنها عنك.
- تقدر تطلب تعديل أو حذف أي معلومات تخصك.
- تقدر تطلب إنك ما تستلم أي رسائل تسويقية من عندنا.
